تصاویر منتخب

ye doost نظرات چهارشنبه 7 شهریور 1397 ، 03:28 ب.ظ
ماجرای کربلا در نتیجه آتش زدن به باب حضرت فاطمه زهرا (سلام الله) 


یانماسیدی باب زهرا ظلمیله شورا گونی

خیمگاهی زینبین یانمازدی عا شو را گونی

حکم قرانه او گونکی گونده اولسیدی عمل

مطلقا اولمازدی بر پا جنگ صفین و جمل

هم دولانمازدی حسینین قانلی باشی ال به ال

ایلمزدی پرده رخ صورت زیب گونی

اولماسیدی جا نشین مصطفی خا نه نشین

ایتمسیدی ضرب دردن فاطمه سقط جنین

زینبی یخمازدی پشت پائیله شمر لعین

معجرین ایتمزدی غارت اشقیا دعوا گونی

ایتمسیدی حقیله باطل او گون جنگ و جدل

بیر به بیر احکام قرانه ایدردی خلق عمل

دین اسلامه یتو شمزدی بو نو عیله خلل

روشن اولمازدی جهاندا کافر و ترسا گونی

چوخلارین خارج ایدوب دنیای جیفه دینیدن

نفسینه تابع اولوب چیخدی او گونده دینیدن

چیخماسیدی سر نشینان سقیفه دینیدن

دین ایوین یخمازدی شمر بیحیا هیجا گونی

زوریله غصب اولماسیدی بو خلافت منصبی

قورخودان گزلتمسیدی مردم اصل مطلبی

دستگیر اشقیا اولمازدی اولاد نبی

گوزلرینده ایلمزدی لیله یلدا گونی

چیخماسیدی هر ستمگر منبر پیغمبره

وورماسیدی بند ذلت بازوان حیدره

کوفدن گلمزدی بو فرمان امبر لشکره

باغلا اطفالی طناب ظلمیله ایذا گونی

گر خلیفه ایتمسیدی غصب املاک فدک

بیر کس ایتمزدی خلافت امرینه القا ئ شک

کربلاده روز عاشورا حسین قالمازدی تک

تیر گون اولمزدی گوزده زینب کبرا کونی

اوندا که گوردی اولوب قارداشی خندان گل کیمی

سینه سینده باش باشا اوخلار چاتوب سنبل کیمی

باشلادی شو ر نوا شوریده سر بلبل کیمی

ایلدی بیله مخاطب بلبل شیدا کونی

ای گون اینجتمه حسینی بیکفن دور بیکفن

گورموسن رحم ایلین یوخدور اونا  رحم ایله سن

اولما راضی تابشیندن اینجسون باشسیز بدن

ممکن اولسا گیت بولود اتدا حق یکتا گونی

(کهنموئی )گون کیمی قالماز حقیقت ابریده

عاقبت شیرین ثمر وار ناگوارا صبریده

اهل حق المز اگر یاتسا مین ابللر قبریده

سربلند ایلر اونی حق محشر کبرا گونی

شاعر : کهنمویی

تصاویر برگزیده

راست
چپ